Zuzenekoak
Musikari dagokionean, zuzenean bizi direnek ez dute zerikusi askorik izaten diskoekin. Guk bizitako zenbait kontatuko ditugu hemen, gure ikuspuntutik, musikak ez baitu ikuspuntu bakarra.
2 egun, 2 hiri, 2 kontzertu: Eddie Vedder
Aste honetan Eddie Vedder birritan ikusteko aukera izan dut. Eta Pearl Jam-eko abeslariaren saioen gainetik, zenbait odeoa ere etorri zaizkit burura.
Igande eta astelehenetako kontzertuak: Izaki Gardenak eta Berri Txarrak
Bi antzokitan, bi egun jarraitan ikusitako kontzertuak. Igandea eta astelehena. Horrela esanda arraroa dirudien arren, sekulako kontzertu bi! Ezin izan bazenuen joan, hemen doaz gertatutako zenbait kontu…
//embedr.flickr.com/assets/client-code.js
Berri Txarrak, Willis Drummond eta Seaska ikastolaren festa
Seaska ikastolak (beharrezko) 50. urteurren festa bat antolatu zuen eta Euskal Herriko bi talde handienetarikoak gonbidatu zituen ospatzeko. Gainera, Nafarren agur-biraren hasierarekin bat zetorren kontzertua. Gau polita izan zen… eta hemen kontatzen dugu.
2018ko 12 kontzerturik onenak
12 hilabete, 12 kontzertu. Tira, gutxi gora behera: aukeraketa honetan ez dago hilabete bakoitzeko kontzertu bat, baina 12 dira, eta horrek (agian) balio du. Ez da erraza izan batzuk zerrendatik kanpo uztea, baina aukeratzea atsegin dugunez, hemen doa urte musikalaren errepasoa!
Belako itzuli da… baina Belako berdina ote da?
Mundu bira luze eta zabal bat eta gero, disko berria besapean itzuli zaigu Belako. Diskoa sekulakoa da, eta horri buruz beste egunen batean hitz egingo. Oraingoan oholtza gaineko itzulerari buruz hitz egingo: zelan aldatu da horrenbeste aldatzen den talde hau?
2017ko kontzerturik onenak
Amaitu berri zaigun urtea kontzertu handiz betea izan dugu. Euskal Herriko taldeek emandako onenak, edota atzerriko taldeek Euskal Herrian utzitako saiorik onenak, hemen. Ziur zuentzako beste batzuk izan direla onenak: ez daude kontzertu berdina ikusten duten pertsona bi!!
2017: lehen herenaren kontzerturik onenak
Zertarako itxaron urte amaiera arte onenen zerrendak osatzeko? Hemen duzue, hilabeteka, 2017ak utzi dizkigun zuzenekorik onenak. Agian ez zarete ados egongo, noski, horretarako daude iritziak-eta!
2016ko kontzerturik onenak
Aukeraketa zaila zen hau… baina zerrenda osatzera ausartu gara. Iritziak baino ez, noski… Ea ados zaudeten!
Berri Txarrak-ek arazo pila ditu: Plateruena, 2016
Onartu dezagun: Berri Txarrak taldeak arazoak baino ez ditu azkenaldian. Eta ez dute konponbide errazik gainera. Tamalez, Durangoko Plateruenean eskaini zuten lehen saioan agerian geratu ziren arazo hauek guztiak.
Arazo hauek, noski, musika talde orok berarentzat nahiko lituzkeenak dira!
*
Ekiza: Paperezkoak I+II
Garoa liburudendak eskaintzen dituen kontzertuen barnean Jurgi Ekizari iritsi zitzaion txanda aurrekoan. Eta ez edonola gainera: saio bikoitza, Donostia eta Zarautzen. Denboraldi baterako (betirako?) bere azken kontzertuak izatekoak ziren hauek, nahiz eta musikari ipurterre honekin ezin inoiz jakin.
*
Bullitt, YBM eta Morgan Durangon: hotzaren gainetik.
Durangoko txosnetako arduradunek beti dakarkigute goranzko bidean den talde baten kontzertua herriko jaietan. Aurten ere hala izan da… nahiz eta, aurtengokoan, ezin dut erabaki zein izan den gorantza doan talde hori!
*
Damien Jurado Donostian, urrunetik etorri zen abeslari serioa
Intxaurrondora gerturatu zen Seattle-ko abeslaria duela gutxi eta kontzertu bitxi bat eskaini zigun. Nolakoa izan zen kontatzeaz gain, iritzia ere emango dugu hemen. Tira, ta kantaren bat edo beste entzuteko aukera ere dago hemen…
*
Ekiza zuzenean: Doka eta Plateruena.
Bakarlariak benetan bakarti agertu zuen bere diskoa taula gainean. Bi plaza oso ezberdineta ikusteko aukera izan eta han ikusitakoak kontatuko hemen. Bide batez, kontzertu osoa ikusteko aukera ere duzue hemen barruan!!
*
Belako bizkaitarren kontzertu baten kronika idazteak ez du apartekorik gaur egun: zalegoak gora egin duen neurri berdinean egin dute gora kronikek. Hortaz aurrekoan Azpeitian emandako saioari buruzkoak idatzi beharrean, oso bestelako istorio bat idaztea erabaki dut.
*
Aspaldikoak: Audience, The Uski’s… eta Kiko Veneno
Aspaldi entzun eta ikusi gabeko 3 talde batu ziren Sopela Kosta Fest delakoan. Soinun zeharo ezberdinak, mundu ezberdinak taula gainean. Emaitza? Ba oso anitza baita, espero bezala.
*
Noizean behin honelako taldeak agertzen dira. Irratian entzuten dituzu eta, tira, “erritmoa dutela” diozu. Norbaitek behinola zuzeneko batean ikusi omen zituen eta “oso ondo pasa zuen”. Baina errealitatea zera da: honek zerikusi gutxi du musikarekin.
*
Muse izan da aurtengo BBKlive-eko talderik “handiena”. Nork esango zuen halakorik duela urte apur batzuk… Jende asko pozik geratu zen han ikusitakoarekin; ba ni ez. Izan ere horrelako “ohorea” irabazi baldin badute, zerrenda-buru izateko eskubide hori irabazi badute, askoz gehiago ere eskatu ahal zaie.
*
EH Zuzenean 2015: 20 urte eta gero… EHko festibalik onena?
2o urte betetzen dituen honetan, lehen aldiz bertara gerturatu eta han aurkitutakoak kontatzen dira hemen. Galdera bakarra: zergatik itxaron dut orain arte?!?!? Benetan polita Lekorneko ospakizuna!
***
Berri Txarrak I, II, III eta IV: Intxaurrondo, Donostia, 2014-01
Zaila da Berri Txarraken kontzertu batera joatea eta zer espero dezakezun jakitea. Are gutxiago lau egun errenkadan joanez gero. Baina hori egin genuen guk (lau kontzertutara joan, ez espero genuena jakitearena). Bira berriko lehen hitzorduak Donostian ziren eta Intxaurrondora gerturatu ginen lau egunez. Inguruko tabernetakoak pozik izango dira gurekin. Irakurri.
***
Autoekoizten: Durangoko Azoka 2014
Gatiburen CDak agortu ziren, Berri Txarrakekoekin argazki bat lortzeko ilara eraikinaren kanpoaldetik hedatzen zen, Hesianek inoiz baino gehiago saldu zuen… Euskal musikarentzat plaza ona da Durangoko Azoka, eta aurten ez zen ezberdina izango. Jendez gainezka izan dira tabernak eta Azoka eremu bera (aurreko urtetako joera aldatuz), lau egunak busti dituen euriak Euskal kulturari bultzadatxo bat eman zioen bitartean. Irakurri.
***
Muchachito y sus compadres: Bilbo, 2014-11-14
Katalunia aldeko rumba horrek Muchachito Bombo Infierno taldean izan du azken urteotan emaitzarik onenetarikoa. Joan etorri asko eta gero, 10 musikari eta margolari batez osaturiko taldeak nolabaiteko ospea lortu zuen eta Espainiar estatuan gora eta behera aritu ziren zenbait urtetan. Egia esan, ni neu ez naiz rumba horren zale amorratua, baina talde honek badu zerbait berezia; xelebrekeria bezala, Ingalaterrako eta Frantziako zenbait lagunek (rock gogorraren zale amorratuak) tipo hau ezagutu eta gustuko zutela esango dut, hortaz bakarra ez omen naiz salbuespen horretan. Irakurri.
***
Brendan Benson: Madrid, 2012-5-10, Moby Dick
Brendan Benson tipo jatorra dirudi. Hala ematen du bere letretan, ahotsean eta baita bere bideotan ere. Hori horrela denentz egiaztatzeko asmoarekin hurbildu ginen Madrileko kontzertu honetara. Bidaiak merezi izan zuen. Irakurri.
***
MUSIKATZEN 
Utzi iruzkina
Comments 0